விமான போக்குவரத்து துறையில் பணி: விண்ணப்பிக்க அழைப்பு

விமான போக்குவரத்துத் துறையில் பணியாற்ற விரும்புவோர் விண்ணப்பிக்க அழைப்பு விடுக்கப்பட்டுள்ளது.

இது குறித்து குமரி மாவட்ட முன்னாள் படை வீரர் நல உதவி இயக்குநர் ந.ராஜேந்திரன் வெளியிட்டுள்ள செய்திக் குறிப்பு:

விமான போக்குவரத்துத் துறை சென்னை மண்டலத்தில் 147 இளநிலை உதவியாளர் பணியிடங்கள் காலியாக உள்ளதாக அறிவிக்கப்பட்டுள்ளது.  இதில் முன்னாள் படை வீரர்களுக்கும் ஒதுக்கீடு செய்யப்பட்டுள்ளது.   இப் பதவிக்கு விண்ணப்பிக்க 10 ஆம் வகுப்பு தேர்ச்சி பெற்று 3 வருட ஆட்டோமொபைல் மெக்கானிக்கல் பயிற்சி முடித்தவர்கள் அல்லது 12 ஆம் வகுப்பு தேர்ச்சி பெற்றவர்கள் தகுதியுடையவர்கள். விண்ணப்பிக்க விரும்பும் தகுதி வாய்ந்த முன்னாள் படை வீரர்கள் WWW.AI​R​P​O​R​T​S​I​N​D​IA.ORG.‌IN என்ற இணையதளத்தைப் பார்வையிட்டு உரிய விண்ணப்பத்தைப் பதிவிறக்கம் செய்து மார்ச் 31 க்குள் விண்ணப்பித்துப் பயனடையலாம் என்று குறிப்பிடப்பட்டுள்ளது.